Kategorie: Berichte 2020 / 2021

Töpferkurs 2020

Im Oktober sind zweimal drei Frauen zu Doris in den Töpferkurs. Getöpfert wurde bei der Familie in der Wohnküche und es war eine angenehme Atmosphäre. Die Frauen waren alle sehr kreativ und Doris hat es Spass gemacht ihnen den Kurs zu geben. An Ideen hat es nicht gefehlt und der Kreativität wurde freien Lauf gelassen.
Gebrannt wurden die Tonsachen im eigenen Brennofen der Familie. Nach dem ersten Brennvorgang konnten die Frauen ihre Sachen noch mit Farbe verschönern und nach dem zweiten Brennvorgang mit nach Hause nehmen.
Der Kurs war für alle ein tolles Erlebnis.

 

Michelle

Erntedankfest 2020 – Kirchenschmuck

Fotos der geschmückten Kirche vom Erntedankfest 2020

Brotbachkurs

Am 08. u am 10. September hei sich jewils 6 Froue vorem Dorfmärit in Rüeggisberg troffe u no di schöni Abestimmig gnosse bevor üs d Maria Muhr härzlich i Bachstube iglade het. Nachem Hängwäsche u de erste Tips ischs de oh scho los gange mit Teigmache. Zersch aui Zutate mischä u när 10 Minute lang knäte. Auso iz hei ömu aui warm oder sogar heiss becho. U es isch gfeilscht worde ob äch oh 6 Minute würde länge aber nüt isch es muess gnue lang knätet wärde damit der Teig guet chunt. Wo du der Teig guet isch gsi het er chli dörfe ruhie u mir heinis a nächst Teig gmacht! Dä isch zum Glück scho am frühe Abe vor Maschine knätet worde u so hei mir iz ganz nach Lust u Lune chöne feini Sache dri mische! Es het e grossi Auswahl a Nüss, verschideni Gwürz, u Dörrfrücht gha u jedes het öpis gfunge für i si Teig z mische. Auso gröstetei Zibele sie sehr beliebt gsi! Wo du das Brot oder besser die Brötli sie gformet gsi hei die oh nomau dörfe ruhie. Bevor si i Ofe si cho hei mir si no uf verschiedeni Arte igschnittä. Iz si mir ja aui gspannt gsi wie si de si use chöme. Bim Kafi het mä oh no mau chöne Frage stellu u es het es chlises gäbigs Heftli gä mit Rezäpt u Tips zum Brotbache. Nach der verdiente Pouse hei mir üs wieder a erst Teig gmacht us dem hets du feini Pizzaschnägge gä. Es sie zersch nid aui so z fride gsi mit em Ausgseh vo denä Schnägge aber wo sie si bache gsi hei ömu aui ganz glustig usgseh.

Ig Danke aune Teinähmerinnen u ar Maria für de glugnig Kurs.

Andrea

« von 2 »

Bericht Abendwanderung – Rundweg Lisiberg, Zimmerwald

Am 4. Septämber 2020, churz nachem Voumond u amene
wunderschöne, warme Abe hei mir üs am sächsi ufem Viehschouplatz
z`Rüeggisberg troffe, d Outo gfüut u si Richtig Zimmerwald gfahre.
Vor Chiuche a, simmer zfuess düre Predigtwäg richtig Zimmerwaudegg
gloffe.
Bir grosse Hüehnerhaue vo Guggisbärgs hei mir afe müesse ä Pouse ilege und
öpis trinke.
Nach dr Sterkig isches zügig düre Waut zum Wisse Stei.
När no churz obsi u da si mir ufem Lisibärg acho.


Ä wunderschöni Abestimmig het üs empfange…..
Nachere churze geografische Ileitig über Zimmerwald und Umgäbig hei mir
du üsi Chervelats füregnoo u brätlet.

Äs isch auso gmüetlech gsi…
öpis schnouse, chli dorfe und när no äs feins Schnäpsli .
Mit der Latärne im Aschlag si mir übere Waudhof wieder retour richtig
Chiuche zöttelet.

Liebi Froue härzleche Dank für dä gmüetlech Abe u hoffentlich bis gli….

Sandra

Ds Brichtli vom Landfrauen OL

Dr föift Ogschtä 2020

Es isch hüür ä chli äs komisches Jahr.

Dä Cheibä Corona Chäfer, isch eifach geng no umewäg.

Us däm Grun, he mir Landfroue, i de Summerferie amene Mittwuch Namitag, im Than vore, ar früsche Luft, mit aunä Corona- Reglä, ä OL organisiert.

Am Mäntig, bim Pöste ussteckä, si dr Dänu u i gäbig duschet worde. Bis uf d Unerhose nass si mir gsi u gsüngget hets schön i de Schueh.

Für am Mittwuch he mir aber schöns Wätter bsteut u das isch o promt glieferet worde.

Bi wunderschönem Wätter he mir mit über 60 Läuferinne u Läufer dä Tag gnosse.

Luegä, secklä u de no fine, dass isch ds Ziu gsi. Aut u jung, chli u gross aui si cho, so wi mir üs das vorgsteut he.

Es feins Z’vieri Buffet he mir gmeinsam uf die wissä Tischtüecher arrangschiert u mit Garteblueme schön dekoriert. Es het vo auem gnue gha. Hmm, eifach mit de Züpfesandwich, si mir gad chli dri gschosse.

Am Abe öpis na de achtä, si di letschte Läufer gstartet.

Drna si mir bim ne Glas Wyy u amne Züpfesandwich no chli zämä ghöcklet u he dä Tag zämä abgschlosse.

Mir möcht aune wo üs für dä toll Alass he unerstützt, ganz härzläch danke sägä.

Dr Schueu Rüeggisberg, am Heiniger Dänu, ar Ersparnisskasse Rüeggisberg, ar Narida, ar REK, ar Visana Belp, ar Mobiliar Belp, am Spital Riggisberg, am Naturpark Gantrisch u am Gantrisch-Bike-Sport.

Yvonne

Rangliste