Kategorie: Berichte 2021 / 2022

Us ganz viu Natur es Früehligsgrüessli kreierä 2022

Am Samstig dr 19. März isches so wit gsi.

Churz vor de haube zwöie si 13 Froue ds Brüggle bir Lea itrudlet. Dankdäm das Bisä het na gla, het d Lea dusä i ihrem Gärtli aus chönnä parat mache. E wunderi Farbepracht het üs erwartet.

Nid nume Bluemä, nei o Miesch, Escht i jederä Wäri, Eierschale, Schnäggähüüsli, Fäderli u aus müglechä isch parat gsi.

Nachdäm mir mit emne feine Hugo zur Begrüessig he agstossä, het si üs ä churzi Ifüehrig gä, wie mir üsi autä Töpfli, Schisshäfeli u Houzchischtli chö bepflanzä.

Mit dem Wüssä he mir üs ads Wärch gmacht. Es Blüemli ids Töpfli, Miesch ds ringsetum, hie es Stäckli, det es Zäpfli, hie es Fäderli u fertig isch das wunderbarä Früehligsgrüessli gsi.

So isch das zwo Stund gangä u iis Gsteckli isch schöner worde aus ds anerä.

Ds Schwirigstä isch üs jtz no bevor gstanä. Wie bringe mir das aus i ds Outo?

Merci viu mau Lea für dä schön Namitag.

Yvonne

Schneeschuhwanderig 2022

Am Samstag 19. Februar trafen sich 10 Landfrauen bei Sonnenschein und einigen Nebelschwaden  im Gurnigel zu einer Wanderung. Als alle ihre Schneeschuhe montiert hatten  machten wir uns auf den Weg.

Zuerst marschierten wir durch das frisch verschneite Erdbeeriloch dann durch das Engländerwägli zum Sellibühl. Dort genossen wir ein Weisswein, Schnaps  und  Speckzüpfe. Herzlichen Dank den Spendern.

Es war ein gemütlicher und zufriedener Tag. Hoffe dass sich der Muskelkater am Sonntag in Grenzen hielt.

Danke all den Frauen die mitgemacht haben.

Marianne

Föteli fingsch im Mitgliederbereich.

Fasch Voumond Wanderig

Eh, was isch o das ume für es Jahr gsi!?!

Das Wort mit „C“ het üses Läbä immer no bestimmt.

Für glich chli öpis ds mache, he mir üs entschiedä, dass mir chlini Events verussä tüe organisierä.

Bim plane, isch gli mau ä Voumondwanderig zur Sprach cho. Eni het im Kaländer gluegt u es Datum im Dezämber gsiit, wo de Mondhousi schwarz isch itragä gsi. Dr Räschte het gnickt u deicht: „isch de nid ersch gad gsi?“

Item, das Datum isch ids Programm ufgno worde u wöu a däm Fritig nid grad schüst a Voumond isch gsi, he mir du „fasch Voumondwanderig“ gschriebä.

Dä 4. Dezämber isch cho.

Gschneit hets gha, dr Himmu isch abdeckt gsi. Eifach perfekt.

Im Than vore isch agfüüret worde, Kerzli azündet u dr Punsch isch o parat gsi.

10 Froue he sech uf em Viehschou Platz troffe u si de zämä ar Site na gäg ds Than glüfä.

Scho vo witem het me se ghört aber dr Mond het me nienä gseh.

Glachet he mir, wo mir du he usefune, dass äbä Läärmond isch gsi und nid Voumond.

Zum Glück he mir ä fasch Voumondwanderig gmacht. Das wä ja schön piinlech gsi.

Am Füür he mir üs ufgwermt u he am Raclettchäs zuegluegt wie er langsam gschmouze isch u dr na jedes es Chäsbräteli het dörfe gniessä.

O dä Abe isch unvergässlech schön gsi.

 

Yvonne

No meh Föteli fingsch im Mitgliederbereich.

Landfroue OL 2021

Am 14. Ogschte isches ume so wit gsi.

Trochenen Fusses he mir ir letschtä Schueuferie Wuche dr Landfroue-OL usgsteckt.

Mit Schwirrli, Schleggu u Charte si mir dür das Than gschtiflet u he di Pöschte platziert. Nid ds schwirig u glich söu ä chli müesse gsuecht wärde.

Es isch ä artige Summer gsi. Lang hets grägnet. Aber o für Hüür, he mir sunnigs Wätter bsteut. Es isch äuä scho fasch chli ds warm gsi u ds Schwümmbad het üs chli Konkuräz gmacht.

Über 35 Läuferinne u Läufer si am Start gsi. Grossvätere mit ihrne Grosschin, Familie, 2er Teams oder o Einzelkämpfer si am Start gsi.

Scho churz nachem Start vo de erschte Paar Gruppä isches cho….. es Telefonarüefi….. „mir fine dä Poste nid!!!!“. Mit Video Bild u Navigation ha i aus probiert. I wes ja schliesslech wo er isch.

Item, Schlussändlech ha i mi uf ä Wäg zum Tatort „verschwundener Posten“ gmacht. Tatsächlich! Gholzet he si u dä Poschte isch eifach verschwunde. Nume no ds Loch vom Schwirrli het me gseh.

Abgseh vo däm Verluscht, isches wiederum ä zfriedne Tag gsi.

He viu glachet u brichtet u nachemne gmüetlechä Abschluss Brätle he mir üs a ds ufrume gmacht.

 

Yvonne

Aui Föteli vom OL u vo auem angere fingsch im Mitgliederbereich.

 

Äs härzlichs Dankeschön au üsne Sponsore, vorauem